舒淇日本親自下廚煮自家麵

女神舒淇早前下嫁型男馮德倫，正式升呢為馮太！雖然舒淇成日都要做空中飛人飛嚟飛去，但佢都要深明出得廳堂之外，仲要入得廚房，所以點要識煮吓嘢食！

舒淇同過台灣藝人陶子、藍心湄合股開設台灣餐廳Kiki，身為老闆娘之一嘅佢喺FB透露自己身在日本，佢仲帶埋自家即食麵出國，佢拍埋片影低煮麵食嘅過程，見佢都煮得有板有眼，仲功架十足添！唔知係咪因為自己煮嘅嘢關係，舒淇食都食得特別滋味！