鄧穎芝內地出騷一日走兩場：密食當三番

歌手鄧穎芝（Vangie）日前到內地英德出席當地舉行的「中港群星巡迴演唱會」，同場還有趙學而及陳柏宇，完騷後她即飛車到清遠出席吧酒騷，連走兩場的Vangie笑言是辛苦錢，她說：「朝早11點就要上車，因為撞正假期，塞咗6個鐘先到英德，唱咗幾首歌又要坐兩小時落清遠登台。」

Vangie表示雖然辛苦，但見到內地歌迷特登搭車到場支持自己感開心，她說：「好開心內地觀眾好支持自己同埋好好反應，其實內地登台係我主要收入，今年市場好靜少咗內地騷。」問到連走兩場是否穩袋6位數？Vangie否認說：「兩場加埋都係五位數咋，密食當三番。」