【高潮位】謙謙化身鬆弛熊示愛搞喊楊怡

羅仲謙與楊怡的婚宴上，一對新人不停放閃，高潮位相信在於新郎忽然失蹤，再由戥穿石吳卓羲手拖一隻巨型鬆弛熊出現，由於造型可愛，在場嘉賓不停舉機拍照。但見「鬆弛熊」步履蹣跚，並向新娘阿怡獻上大束鮮花「示愛」，此時「鬆弛熊」脫下頭套，驚覺原來是新郎謙謙，認真sweet爆。

為博老婆一笑，化身「鬆弛熊」的謙謙搞到成頭大汗，老婆楊怡見狀就幫對方抹汗，期間謙謙又喺台上唱出《分分鐘需要你》，不過謙謙可能自己都太感動嘅關係，一度泣不成聲，唱不下去，最後佢又向楊怡講「我愛你」，搞到阿怡都感動落淚喊埋一份，場面十分感人！

謙謙更於台上分享謂：「其實我追佢嘅時候，已經扮過一次公仔喇。今日再想扮多一次，希望可以有個難忘嘅婚禮。」