首任模特兒行騷　BINGO嗌大開眼界

樂壇新進女子組合BINGO，三位成員Carman（關嘉敏）、Odilia（陳康琪）和Gia（陳可）身高都超過170cm，擁有Model身材，之前獲邀出席韓國的「第11屆SGC Super Live」時裝加演唱會Show，同場還有韓國組合，包括有GOT7、2PM、B1A4，和Mamamoo等陣容強大。BINGO是次以模特兒身份參與整個Show的時裝部份，與來自日本及韓國的模特兒爭妍鬥麗，在時裝天橋上展示韓國最新一季的服飾。

BINGO表示是次經驗讓她們大開眼界，隊長Carman說：「我好喜歡呢個舞台，因為自己未試過喺咁大嘅舞台之中行Catwalk，每個Model嘅Catwalk都要行得好配合。最讓人深刻嘅係每個韓國組合都極之有禮貌，喺後台同我哋擦身而過嘅時候都會大家90度鞠躬互相對大家說：『辛苦曬！』」

Gia則對韓國的這個表演印象深刻，因為在香港很少會見到有時裝和演唱會混合起來一起製作的大型活動，她說：「今次我哋大家都講唔同嘅語言，有廣東話、普通話、日文、韓文、同英文，係一個好有國際性嘅演出。」Carman補充說：「當我哋要同日本模特兒講嘢時，要搵日本同韓國嘅翻譯一齊用韓文溝通，之後再用英文同我哋溝通，好複雜，但好難忘！」

完Show即學舞

Odilia說：「我覺得香港係好有潛質做呢種多元化嘅Show，希望呢種表演能夠快啲喺香港發生，可以畀我哋呢啲新人多啲演出嘅機會，爭取經驗。我喺呢個演出之中最享受係喺天橋上行Fashion walk時候，因為行Show嘅過程之中就算有啲意外發生，大家喺舞台上又唔可以講嘢，就係靠之前彩排時訓練好嘅默契去互相協助，將呢啲意外補救。我哋平時講Good show，感覺都冇今次激烈，而行呢啲大型Catwalk嘅經驗，係好難得。」完Show之後，BINGO三位成員亦沒有鬆懈下來，立即前往當地著名的1 million studio學習舞蹈，為日後的演出作準備。