身為兄弟團的吳卓羲和王浩信一同離開酒店，兩人一同接受訪問。

講到吳卓羲帶領扮鬆弛熊的新郎哥出來，吳卓羲說：「羅仲謙今日先叫我咁樣做，其實係秘密。（嗰part好感動？）我都喊呀！（你都喊？）大家平時睇我唔到啫，我對你哋係唔做戲架，都開心，我第一次做兄弟，今日我都同王浩信嘅職責係幫謙謙頂酒，冇計啦，以唔醉為主！（飲咩酒？）紅酒，因為平日謙仔飲一罐啤酒都醉醉地。」

王浩信被問到是否好飲得？他即說：「我唔得架，我盡頂架咋，我叫做有經驗，最緊要一對新人開心！（你哋飲好多？）都唔係。」吳卓羲表示認識楊怡二十年，今日一定要做好兄弟的本分，他說：「我盡力照顧謙仔，因為謙仔媽媽交待我哋照顧好謙仔，因為謙仔唔係好飲得。」

王浩信表示鬆弛熊個part最感動，吳卓羲則表示簽紙個part感動，不過就冇喊，王浩信說：「我有喎，因為喺嗰度見到謙仔講肺腑之言大家知，佢講第一句已經哽咽，講唔到第二句。」吳卓羲祝福一對新人新婚快樂，問到他想做浪子做到幾時？他說：「冇人吼我呀。」