首度實戰打擂台　吳雲甫豁盡特訓唔退縮

藝人吳雲甫（Owen）應歌手羅孝勇（Sheldon）邀請，上擂台參與拳賽對打，兩人都表示會真打絕不留手！Owen曾到武當山跟張三丰弟子學武，又曾到泰國跟職業拳手參加泰拳祭，但都只是為了拍攝。而今次為了打擂台，他正式落力苦練拳術及體能，Owen說：「我從來冇正式參與過真正格鬥運動，但自從有健身Sponsor，又睇到郭思琳打G1，深深受到吸引，覺得呢個極具刺激同挑戰性，亦可以用新方法認識自己，了解自己不足之處。」

雖然地獄式練習過程辛苦，但Owen卻沒有想過退出，因這是對自己的承諾，既然答應了參加，就絕對不能退縮，他說：「雖然有時訓練過程幾辛苦，係好想快啲落堂。」對Owen而言，最難頂是要戒油鹽糖，只能吃清菜白肉，他笑說：「之前夜晚捉精靈食消夜食到胃口大晒，依家要減就加倍辛苦。」

輸贏唔重要

講到Sheldon有空手道及巴西柔術底子，但Owen覺得沒有壓力：「我對輸贏睇得唔重，希望享受過程，身邊人仲叫我唔好死！當然係開玩笑，但證明大家都怕我有危險、會受傷、感恩。」