洪永城馬明傳婚禮爭女　楊卓娜驚打爛杯

藝人楊卓娜、岑杏賢、李綺雯、陳志健和羅樂林等出席假電視城舉行的《十月星辰》活動，楊卓娜自爆並非在十月生日，她說：「我生日係11月10日，但細個攞證件時搞錯，屋企同我慶祝生日都係11月。阿怡（胞妹楊怡）呢排都喺香港，有啲親友嚟咗香港，我哋可以聚吓。之前佢結婚，我做咗兩個盒畀佢，有一個唔知去咗邊，佢搵咗兩日都搵唔到！」

對於有傳馬國明（馬明）與洪永城在楊怡婚禮上為唐詩詠疑爭風呷醋，更差點碰爆杯，楊卓娜說：「有咁嘅事咩？冇見到喎，咁開心？我哋啲杯好靚㗎喎。（有冇察覺佢哋兩個有唔妥？）唔覺，嗰日兄弟姊妹都好忙，好多謝佢哋，其實男人適當時候緊張吓女朋友係好事。」