【病咗慘慘豬】孫慧雪攰到瞓着被圍住集郵

20161007
東網電視
更多新聞短片
畀人整蠱咁慘。
藝人孫慧雪雖然樣子清純,但係性格開朗又風趣,係個玩得之人!雪雪BB同藝人林秀怡份屬好友,兩個一拍埋就玩到好癲,前排網上流行嗰首神曲《雞,全部都係雞》播出街冇耐,兩女已經火速拍咗段追上「潮流」!正所謂「近朱者赤,近墨者黑」,兩女性格都好夾,連病都一齊,認真情同姊妹!
雪雪BB喺Instagram透露自己感冒,可能因為藥力太勁,搞到出去做嘢時攰到忍唔住同林秀怡一齊瞓着咗,仲畀一班藝人及工作人員整蠱,影佢哋瞓覺嘅英姿之餘,仲變埋人肉布景板「任人輪」。雪雪搞笑留言:「乜叫景點?仲有邊個埋來影過,快啲自首!」眼見勁多工作人員輪流同雪雪BB及林秀怡合照,認真笑爆嘴!