單親蒙嘉慧唔信婚姻　被友人點醒嫁伊健

藝人蒙嘉慧（YoYo）接受由黎燕珊主持的有線節目《往事．並不如煙之情書》訪問。YoYo透露母親懷着自己時便已離婚，故自小由外婆帶大，令她自幼便不相信婚姻，並謂全靠朋友出言點醒，才決定與鄭伊健結婚，她說：「有個朋友問我哋點解仲唔結婚，如果其中一方有事，我哋即使幾親密，法律上都唔可以為對方做任何重要決定，我聽完又覺得好啱。」

講好唔生B

談到YoYo日前因身形圓潤而盛傳懷孕，她表示夫妻二人其實沒有打算生B，自己亦嚮往自由：「我媽媽比較任性，我睇到婆婆成日要擔心佢，就明白養兒女係一世嘅責任。如果生咗個小朋友好似我媽媽咁咪好慘？我鍾意兩個人自由自在多啲。」

慶生坐巴士避傳媒

然而因當年「奪麵雙琪」事件，伊健每年生日均成為傳媒焦點，故伊健已習慣留家慶祝，以避開記者追訪。YoYo對此笑言不甘心，並笑言有次更與伊健坐巴士低調出門：「有年我決定同伊健由後門出去，搭巴士去食飯慶祝，成功避開晒啲記者，原來伊健十八年冇搭過巴士！（伊健生日啱啱過？）我同佢一齊咁多年，今年（生日）第一次終於冇傳媒跟！」