名人：佗B逾三個月！貝安琪被爆好心急

模特兒貝安琪（Ankie）與媽媽劉香萍出席香港與德國友好文化交流活動，其時裝設計師男友Simon亦有現身捧場。於今年六月公開承認拍拖的Ankie，早前在八月下旬亮相公開活動時，宣布明年與Simon結婚，其後多次現身活動均肚凸凸，惹來懷孕疑雲，而她今天在Instagram證實有喜！

堅守3個月傳統

Ankie今日腳踏三吋高跟鞋亮相，表示懷孕已超過三個月，故可跟大家開心分享喜訊，又稱早前忍口忍得很辛苦。問及為何鬼妹仔的她，仍堅守三個月傳統，她謂此舉是避免有壞事情發生，而身旁的媽媽隨即補充說：「三個月前唔方便講就係因為呢個原因，以防萬一，寧可信其有。」

生完BB先結婚

Ankie續表示懷孕至今，身體完全沒有不適：「我做好多運動，仲Keep住做瑜伽，食得好健康，所以非常好，心情都好好。（仲着高跟鞋唔驚？）唔驚，我有帶波鞋，一陣會換鞋，上台靚啲好啲。（Simon有冇話唔畀你着？）冇呀，佢畀我自由發揮，佢話最緊要我同媽咪開心。（會否將婚期提早？）冇諗，應該生咗BB先結。」未有戒食生冷食品的Ankie，表示自己仍會保持食素，連醫生都大讚其身體非常健康：「話我健康過普通人。」

劉香萍爆女兒意外懷孕

問到有BB是意外還是計劃內？Ankie笑而不答，媽媽劉香萍代答說：「係意外，但佢都好鍾意BB，咁佢都一把年紀啦，時間同年紀都幾適合。（註：貝安琪36歲）」Ankie又稱現在還未想好是開刀還是自然分娩，並拒絕透露BB性別。媽媽劉香萍續表示Ankie採取自然分娩方式居多：「真係逼不得已先會做其他選擇，最好係自然。（香港生？）佢哋兩個決定。」她又謂當年生完Ankie坐月時沒有特別進補，又指Ankie食人奶至三歲，很少病痛，Ankie亦表示自己會餵母乳。

被嫌太心急

問到Simon有否叫Ankie減少工作？Ankie說：「佢覺得最緊要我開心，我咁鍾意自己嘅工作、演戲、畫畫，所以會繼續做。（有冇話諗生多幾個？）到時睇吓點先。（意外有咗有冇影響工作、減少收入？）其實我個樣仲係一樣。（咁有危險性嘅嘢唔做得！）其實我有好多計劃係下一年先做，依家啱啱同媽咪出咗呢部戲《許願樹》，多數都係做production、寫吓劇本同專注喺我畫畫度，所以工作方面ok。」媽媽劉香萍就指Ankie要爬高爬低為兩米高的熊仔上色及畫畫，有叫她工作時不要跑太快：「佢個人好心急，不過好多嘢都係天意，要順其自然。」