經常「捲入」唐詩詠與洪永城戀情的馬國明，是圈中激罕筍盤，除咗外型老實靚仔、謙虛有禮外，更加係圈中「低調樓王」。馬國明最近擲二千萬購入太古城複式單位，更揚言有意再入貨，令其「筍盤」地位更見突出。

馬國明早前拍攝無綫新劇《降魔的》時，透露新居正準備裝修，預計費用不超過一百萬，他說：「我唔係豪裝，上手業主將個空中花園整得幾靚，唔使點搞，慳番一大筆，有限錢！（有豪宅揸手會否多咗異性埋身？）冇啦，邊有？香港地大把有錢人！」他又揚言雖然樓市回升不少，但有意再於同區買細單位作投資，厲害！