真係有咗？熊黛林新片打戲忽然被消失

35歲名模熊黛林（Lynn）早前被踢爆與拍拖一年多的男友郭可頌拉埋天窗，二人更已秘密入紙排期註冊！雖然婚期未有確實答案，不過身為大忙人嘅Lynn，近日就孖英國型男奧蘭度布林（Orlando Bloom）、任達華及昆凌等，開拍新片《極智追擊：龍鳳劫》，成班人打生打死去爭奪國寶。

此片前日於上海舉行探班，Lynn聯同梁靜、釋彥能及白梓軒現身出席，待嫁嘅Lynn受訪時表示：「只是申請中，婚期還沒有確實日子，會於這部電影完成拍攝後吧！」Lynn喺戲中本來有大量動作戲份，但係啲打戲突然全部被刪，當媒體問及到係咪因為懷孕而刪走打戲時，Lynn當下並冇即時否認，佢淨係話因為要做奧蘭度背後嘅女人，所以唔需要出手打鬥喎：「做男人身後的女人，讓男人保護我好了。」當時亦有問到郭可頌會否嚟探班，佢就話見到其他人有家室去探班，自己都羡慕，不過未婚夫係圈外人，比較怕醜。