同王菀之吵大鑊 張敬軒抑鬱喪隊酒

20161008
東網電視
更多新聞短片
軒仔話佢當年患抑鬱,佢唔聽醫生話照飲酒,搞到王菀之嬲嬲豬同佢吵大鑊。
歌手張敬軒(軒仔)、王菀之(Ivana)最近積極籌備演唱會,二人合作多次甚有默契。二人接受有線節目訪問,分享演唱會主題及合作趣事,更會剖白二人純真的友誼。Ivana笑言二人合作是緣分安排:「今年有幾個Projects一齊合作,反應唔錯,慢慢就有一個想法覺得係時候合體開騷,一齊上紅館。」
二人關係似搖搖板
講到今次的合唱歌,軒仔指要先賣關子:「係Ivana寫嘅作品,又好聽又搞笑,到時一定會反高潮。不過我哋希望大家買晒飛先公開隻歌,畀大家驚喜。」Ivana又以搖搖板形容二人關係,她說:「我哋性格一凹一凸、一肥一瘦,音樂風格有極大反差,但加埋就好圓滿。」軒仔更直言二人是陰陽平衡的最佳例子。
關係曖昧
問到二人感情要好,曾否有過爭拗?Ivana指當年在克勤婚禮上,她與軒仔吵大鑊更離席而去。軒仔解釋:「因為當時係我情緒低潮期,醫生吩咐我食抗抑鬱藥唔好飲酒,但我又貪玩冇聽Ivana勸停,結果愈飲愈多,佢嬲到離席走咗,好尷尬!」他又指同桌的藝人紛紛叫他出去追,令二人關係變得更曖昧。