否認唔妥洪永城　馬明：我根本冇飲酒

演員馬國明、韋家雄與胡鴻均近日在將軍澳為無綫新劇《降魔的》拍攝外景，講到與洪永城的「碰杯事件」，馬國明否認說：「唔明點解成日咁寫！我哋平時喺化妝間都有傾偈。報道話我醉咗，因為第二朝0630開工，我根本冇飲酒。（唐詩詠話唔排除閃婚？）佢覺得揀啱，要結婚咪結婚，緣分到就OK！（點睇洪永城？）呢啲你哋要問唐詩詠，依家係佢揀老公，唔係我幫個妹揀老公，最緊要佢鍾意！」馬國明又否認百萬豪裝新居，指裝修簡約，最緊要住得舒適。

長期於公廁外取景拍攝

至於劇情拍攝到馬國明人有三急衝入公廁解決，但卻被韋家雄飾演的警探攔着追問扮演魔鬼黃子恆的底蘊。馬國明笑謂有不少場口也要在公廁外拍攝，因劇情搞笑地寫到他一撞到韋家雄就會急屎。在公廁外難免有難聞氣味，馬國明則說：「好彩唔使喺裏面拍，拍嘢冇得介意，最緊要出嚟效果好！」明顯消瘦不少的馬國明表示因趕拍攝每日只有三小時睡覺，希望下月中煞科可以好好休息。