勁match！許老三同小S老爺玩Face swap

台灣藝人小S（徐熙娣）有三個寶貝女，其中細女「許老三」（許曦恩）精靈古怪，又成日語出驚人，所以深得網民喜愛。尋日係小S老爺許慶祥嘅生日，不嬲自稱最愛老爺、奶奶嘅小S當然有所表示啦！佢用手機App將可愛嘅許老三同老爺個樣調轉，張相一甫上社交網站，即時引嚟大批網民畀LIKE，大讚小S嘅老爺好後生，又話張相零違和感，小S就祝老爺：「公公生日，返老還童！願公公永遠健康開心~」有個咁識氹人嘅新抱，做老爺當然笑口常開啦！