幫陳寶珠檢查乳房?薛家燕堅守「三檢」

20161010
東網電視
更多新聞短片
陳寶珠(左)笑言會唔記得檢查乳房,薛家燕聞言即話幫對方檢查!

資深藝人陳寶珠與薛家燕於山頂出席「2016乳健同行」活動,身為大使的寶珠透露已第二年參與,不諱言近年乳癌年輕化,可以因食物、工作壓力及空氣形成癌細胞,認為若發現應盡早治療,除了每個月自我檢查,每年也會到醫務所作詳細乳房檢查,問到會否提醒粉絲也需注意?寶珠謂:「一陣都要提醒吓佢哋先,新抱都會提,佢咁年輕更加要注意吓!」及後寶珠與薛家燕於台上呼籲檢查乳房重要性,寶珠坦言經常忘記,家燕聞言即搞笑謂:「唔緊要,到時你打畀我,等我幫你檢查,益吓我!」

Keep住年檢

而薛家燕則表示今次與寶珠以姊妹檔亮相活動甚有意義,更指寶珠還着一班粉絲到來支持,認真有心,問到她平日可有定期檢查乳房?家燕謂:「梗係有,我覺得呢方面三缺一不可,第一係自摸,當發現有異狀就搵醫生診斷,第二係年過四十就要每年定期檢查,第三係每隔兩年做乳房X光造影,我自己就keep咗咁做好多年,有時都會自己嚇自己。」更指也會着兩名女兒注意,自己也會盡量少食含激素食物,即使相約朋友食大閘蟹,也是一隻起、兩隻止。