舒淇眼鏡洩「蜜」 疑與馮德倫度蜜月

20161010
東網電視
更多新聞短片
呢個蠱惑的倒影……
女神舒淇上月同拍拖四年嘅馮德倫宣布結婚,榮升為人妻嘅舒淇經常更新Instagram,同網友分享自己生活點滴。近日舒淇喺網上透露自己飛往日本嘅行蹤,上載帶同兩隻布公仔一齊搭飛機嘅相。去到日本梗係周圍食好西㗎喇!素顏上陣嘅舒淇戴上眼鏡,手拎住菠蘿抹茶冰淇淋,成個大細路咁,仲留言話:「呵呵 好好粗」嗱!唔好心邪,好好粗嘅意思係好好食、好正咁解。
舒淇同馮德倫結婚後,似乎未去過度蜜月,加上舒淇副眼鏡出現咗有人幫佢揸機嘅倒影,有網友就估今次日本係咪蜜月之旅,而操刀攝影嘅就係老公馮德倫呢?