報復洪永城？唐詩詠預告拍激情戲

藝人唐詩詠晚上在尖沙咀出席美容產品活動。講到馬國明表示希望與唐詩詠、洪永城「三人行」接工作，詩詠聞言笑說：「咁我要諗諗先，佢梗係開心。（你想同洪永城情侶檔？）睇馬國明分唔分佣分畀我啦！我驚我係第三者，呢排新聞成日講佢哋！（洪永城話同傅嘉莉拍床戲緊張！）佢扮嘢啫，你哋走咗佢就放鬆晒。（平時見你會面紅？）以前都會，嚟緊我同王浩信仲激。（同洪永城鬥尺度闊？）因為喺網上播，尺度可以激啲。（現實仲激？）唔講喇！以前拍劇會就住就住，今次劇情想貼近真實。」

問到洪永城到時會否來探班監場？唐詩詠似乎埋怨男友之前拍床戲冇備案，她說：「我都係今日睇報紙先知，還番畀佢，大家都明做乜，不過講聲好啲！」