【驚】養蠶蟲做寵物！陳喬恩大膽拎上手

37歲嘅台灣女神陳喬恩一向真性情，繼佢早前喺內地真人騷上大膽自爆鍾意食雞睪丸之外，上月底佢更唔介意喺微博晒出家中嘅另類寵物，原來佢養咗N咁多條蠶蟲！雖然有部分網友大嗌噁心，不過女神一於懶理，繼續用愛關懷蟲蟲！

今日，喬恩又再喺微博Update蠶蟲嘅最新成長近況，佢留言：「蠶寶寶們長的（得）比我的小指頭還大，蠶寶寶們開始吐絲了，今天早上的第一個蛹。」喬恩唔單止拍下蠶蟲蠕動嘅情況，更大膽將啲蟲拎上手，真係令人不得不寫個「服」字畀佢！喬恩喜好咁獨特，唔知佢揀男友係咪都會零舍另類呢？