孖冬雨「拍拖」被捕獲　金城武蘭花手解圍？

今日適逢係台灣影星金城武嘅43歲生日，真係要講聲Happy Birthday！向來作風低調嘅男神，畀網友喺上海嘅某街市「捕獲」，仲發現佢同大陸女星周冬雨拍拖買餸。男神一出現，即刻引起哄動，好多大媽同大叔都走過去同佢打招呼，而男神亦來者不拒，仲不停咁同檔主、市民揮手打招呼，期間仲大擺「蘭花手」真係估佢唔到？

其實，金城武最近就忙緊幫陳可辛監製嘅新片《你看上去很好吃》（前名《男人手冊》）趕戲，喺戲入面，佢同24歲嘅周冬雨發展「父女戀」。雖然呢對「戀人」爭成19年，但見佢兩個全程零代溝，加上男神保養得宜凍齡有方，所以望落一啲都唔覺唔襯㗎！