ViuTV開96台　高層金廣誠：冇特別意思

ViuTV製作部副總裁金廣誠被問到來年有何大計，他表示望繼續開放平台，吸納更多資源，令各界可以互補不足，而演員、導演及編劇都會再吸納，談到英皇旗下歌手未有出席節目發布會，他說：「有啲要工作無嚟，吳浩康都有嚟。（TVB同英皇關係比Viu好）唔係我哋考慮因素，我哋打開門口都係想做好嘅音樂節目！」

搞選美吸納新血

至於ViuTV蝕錢可有被削減製作費？他謂公司沒有討論過，他只希望製作更多節目給觀眾收看，至於打算簽那些藝人合作？他說：「美選D.n.A選完出嚟嘅女仔，適合演戲嘅都會考慮簽！」ViuTV將於3月31日推出英文台ViuTV six 96台，被問有甚麼意思？他謂：「要問公司。（網友覺得96台有其他意思？）易叫啫，無特別意思。（投入幾多資源？）呢啲交番畀英文台處理！」

直認搵過蔡卓妍拍劇

談到來年ViuTV將投入多少位數去製作節目？他說：「無限制任何嘢，但拍劇預算未出嚟，如果搵啲紅嘅藝人預算都會大啲。（劉美君話幫你哋做節目預算低？）個個節目講碌卡，係噱頭！」有傳蔡卓妍會幫ViuTV拍劇？他直認有傾過，不過對方暫未有檔期，一切都要待對方有檔期再決定及透露內容。