拍戲扮鬼唔敢搭的士　楊思琦自爆嚇親人

藝人李逸朗、楊思琦、邵音音等在紅磡為新片進行開鏡拜神儀式。戲中飾演女鬼的楊思琦說：「恨咗好耐做鬼，又驚又想做，自己好鍾意睇鬼片。（有冇利是收？）冇，可能講我已經死咗所以冇，戲中要特技化妝，但係因為咁搞到爆瘡。（造型有冇嚇親個女？）好彩返到屋企佢都瞓咗覺，返到屋企嘅大堂時，都有同啲人講唔使驚，我未落妝啫。同事有叫我搭的士返屋企，我心諗邊有的士肯載我，喺街有啲人見到我個鬼樣都驚。」楊思琦又指因新片是恐怖片，故不會讓女兒看。

另外，這部電影是李逸朗第二部有份投資的電影，共合資七位數，他解釋拍恐怖片是因覺得靈異恐怖題材是香港文化之一，李逸朗指自己會執導其中一個故事：「我拍嗰個故仔好血腥，買血漿都買咗幾千蚊，套戲都拍得辛苦，大家都攰到失常。（有冇信心回本？）有信心，電影嚟講，我哋投資咗好低成本，希望賺多啲分紅畀台前幕後工作人員。」