45歲江美儀　問中學生借校服着冇難度

江美儀、滕麗名、麥長青等齊齊於牛池灣街巿為無綫節目《街巿遊樂團》進行拍攝，眾人以校服look示人，美儀更勁有誠意，專登借來中學時期的校服進行拍攝。她說：「呢件校服係我以前學校嘅，我有個朋友個女依家讀緊，所以專登問佢借嚟着。」

美儀男友吳君祥都有前來探班，問美儀男友是否想看她的學生look時，她說：「佢以前見過啦！我有一次出活動都着過，佢咁啱喺附近所以嚟！」問美儀平時有否烹飪時，她謂：「我鍾意煮嘢，但真係好少，都係工人煮多。」問到再次着校服有否尋回初戀感覺時，她笑言：「都keep到呀！幾好呀！」她又指節目收視不俗，故會添食，並謂之後會踩入屋村拍攝。