【未出世先興奮】霍建華片場父愛大爆發

台灣藝人霍建華同老婆林心如就嚟榮升爹哋媽咪，為咗撲奶粉錢，霍建華呢排都努力拍劇。雖然霍建華喺內地人氣都唔弱，但佢依然零架子，除咗隨行助手得一個咁大把之外，佢亦親力親為擔遮，見到現場有粉絲圍，佢亦零黑臉，仲父愛大發咁摸一摸現場小朋友個頭，真係恨做老竇恨到出晒面。

另外呢排好識進補嘅心如，呢日就網晒同雞精嘅合照，睇嚟心如為咗令肚入面嘅BB更健康，可謂出盡法寶。