東網電視
更多新聞短片

無論蔡思貝把聲好聽定唔好聽,但可以肯定嘅係,佢好努力!
1/17
港姐出身的蔡思貝入行以來劇接劇,由《衝線》到《鐵馬戰車》以及《潮流教主》均被指聲線過高,太過嘈吵及刺耳,故被網友改花名為「高分貝」。雖然備受劣評,但蔡思貝未有「放棄治療」,更下苦功搣甩高分貝,並於《純熟意外》演出時刻意壓低聲線,即時挽回不少分數。昨晚蔡思貝夥拍王浩信及溫家偉等於中環為新劇《踩過界》演出一場雨中劈友戲,為配合劇情需要,久違的「高分貝」竟重出江湖!
劈到面容扭曲
晚上9時多,蔡思貝與飾演失明人士的王浩信開始埋位。架上墨鏡手持拐杖的王浩信,和蔡思貝上演談情戲。細細聲談完情的蔡思貝,之後在現場拉晒筋作準備;現場所見,劇組出動水車製造下雨效果,身穿紅色皮褸的蔡思貝與大約30多名臨時演員拿起牛肉刀於街頭廝殺,蔡思貝更劈友劈到面容扭曲。只見她手起刀落,一邊劈一邊大嗌,帶住成班臨記揮刀喪劈的她,更似足女英雄。該場口拍了數take,蔡思貝每拍完一個鏡頭,便認真地和工作人員睇playback,修正劈友動作及走位,繼而再埋位劈住嗌,演得相當落力。
拍攝現場吸引不少街坊湊熱鬧,由於人多口雜,加上蔡思貝嗌功厲害,未幾便因為聲浪過大驚動警察到場了解。大約晚上10時多,兩名警員接投訴到場向場務了解,逗留數分鐘後離開。之後劇組亦甚為識做,努力控制各人聲浪,又不時呼籲大家靜少少,「高音貝」亦焗住收歛。

尋晚,蔡思貝先嚟同王浩信談情。

由於緊接就要拍劈友場口,所以蔡思貝轉場前做定熱身。

個樣狠到呀!

一手救「跟班」,一手劈友,型到!

小編硬係覺得,蔡思貝係戴咗假哨牙...

齋睇相,都Feel到打鬥場面有幾咁嘈,所以一度驚動警方到場。

當時思貝都仲係細細聲㗎!

認真到爆。

回氣。

加埋啲人造雨,更有Feel。

打完一大輪,蔡思貝都好攰咁。

王浩信飾演失明人士,仲好入戲。

由於做足準備,所以蔡思貝一埋位就好有戲。

再劈,真係面容扭曲㗎。

場面好混亂呀。

攰到踎埋地。