芬蘭製造　王菀之突然生「B」嗌好感動

歌手王菀之（Ivana）得到芬蘭一間殿堂級的著名品牌IITTALA垂青，獲邀為「城市之鳥」系列設計代表香港之鳥，早前她更應邀到當地參觀玻璃廠旗鑑店及暢遊工藝村、博物館等地，並率先獲贈玻璃鳥留念。Ivana首次見到自己設計的玻璃鳥，笑言好似睇住BB出世般開心，覺得很有香港幹勁精神！

唯一香港代表

品牌早前邀請了五名來自香港、美國、日本及韓國的藝術家，為「城市之鳥」系列設計有代表性的玻璃鳥，Ivana更成為香港唯一代表，這次設計的玻璃鳥是全球限量200隻發售。

驚阻手阻腳

Ivana早前到芬蘭的首都赫爾辛基展開參觀交流之旅，同行的還有來自韓國Dansk創辦人Julie Kim。今次令Ivana最難忘的是在玻璃工場看到人工吹製玻璃技術，本來她亦想一嘗吹玻璃滋味，可是因工場太高溫，工作人員要不停燒玻璃，她為免自己阻手阻腳生危險，只好打消念頭乖乖地做旁觀者，不過她卻能近距離一睹吹玻璃技巧。

似BB出世咁開心

Ivana又率先獲贈由她設計的一隻玻璃鳥，第一次與「BB」見面的Ivana超開心地形容說：「好感動呀！好似BB出世咁開心，呢個係玻璃藝術結晶品，我提供咗我哋呢個城市嘅構思、視覺、印象、影象畫面同顏色文字等等資料比芬蘭資深創作教授Oiva Toikka，由對方跟住我嘅概念去做出一隻獨一無二嘅玻璃鳥，見到製成品隻鳥有長腳企得好穩陣，而且有大眼睛，係表現出香港幹勁精神，不過個身形好似有啲肥咁！」

寓工作於娛樂

Ivana除了參觀品牌總店外，亦有到訪工藝村及博物館，她又乘搭觀光船暢遊小島，當然不能錯過被定為世界文化遺產的芬蘭堡。Ivana在導遊的帶領及講解下，感受到當年打仗的可怕故事！另外，她又享受到大自然氣息，面對綠草如茵零污染的翠綠湖泊，Ivana笑說：「Fiskars Village工藝村係一個旅遊景點，有工場、有酒店、有購物區、展覽館等等，有好多藝術家都係住喺呢度，喺芬蘭做藝術家幾幸褔，可以專注做自己嘅工作，有好多自我空間！」Ivana更開心得情不自禁地在另一個湖畔岸邊起舞！此行，Ivana更食指大動，識飲識食的她品嘗了著名三文魚濃湯、龍蝦包等美食！