【養子如天使】張慧儀爆曾一度自我封閉

女星張慧儀日前現身有線節目《往事．並不如煙之情書》，與主持人黎燕珊分享愛情經歷，張慧儀曾演出多部電視劇，更曾與劇中對手戲假情真，但都是分手收場。張慧儀曾與拉丁舞王談婚論嫁，二人不歡而散更慘遭虐打對待，回望這段情她仍坦言愛得無悔：「曾經有朋友勸我唔應該在事業高峰時公開戀情，但我唔鍾意偷偷摸摸，鍾意一個人就要承認佢。就算之後分手，我都唔覺得自己衝動，我只想捉緊愛嘅感覺。」她承認與拉丁舞王關係決裂令她身心受創，更一度封閉自己：「當年我醉心跳舞，好仰慕佢，一下子被浪漫、激情沖昏咗頭腦，未深入了解對方就宣佈結婚。之後我發現大家唔夾，好似處理婚事上由討論變咗辯論，繼而發生意外，呢件事對我影響好深，甚至我家人。之後我收埋咗自己，唔敢見人，父母亦好擔心。」

張慧儀更在節目中剖白與養子的甜蜜生活，在人生低潮時，張慧儀在義工服務中遇上她的小情人Hanson：「Hanson係上帝派來改變我嘅小天使，係佢令我感受到真愛，呢種愛係無條件，超越國籍、血緣，我同佢嘅關係比親生仔更親密。」面對患有先天性心臟病的兒子，張慧儀坦言不知道可以陪他走得多遠，只希望盡自己的能力給他最大的愛和照顧。