讚陳煒煮嘢食叻　阮兆祥扭計要餵食

藝人阮兆祥、衛志豪和泰臣等在電視城出席無綫飲食節目《煒哥的味道》記者會。期間，阮兆祥就笑指節目若開拍續集應該取名為《煒哥的「2」味》，而試食陳煒煮的菜式時，他又整跌食物，最後扭計叫陳煒餵他，非常搞笑。

談到今次與陳煒合作，他就指自己與陳煒本身有共同朋友、會一齊食飯，他說：「一直知佢煮嘢好食，甚至有朋友話食過佢煮嘅泰國嘢，仲話地道過好多泰國師傅！」所以他收到對方邀請就即刻應承。問幾時再有他主理的飲食節目，曾在2012年與薛家燕拍攝飲食節目《皆大歡喜之溏心風暴》的他就坦言：「係好玩！（你煮嘢掂？）睇我身形就知咩事啦，鍾意煮嘢嘅人都唔會太瘦。」至於談到他日前疑逆線行車，他表示會好好檢討自己的駕駛態度。