未追到手？Dry爆陳展鵬嗌冇拍拖

藝人陳展鵬一身運動Look出席慈善跑記者會，展鵬透露慈善跑當日要開工未必能現身支持，他說：「不過Fans Club已經報咗名同開始籌備。」近日忙於拍攝無綫劇集《同盟》的展鵬坦言要拍到明年1月，他說：「之後會去台灣拍。」由於有傳他力追同劇演員胡定欣，問到是否沒時間拍拖？展鵬說：「我都冇拍拖。（已經追到手？）係戲中每日都見佢，唔係追到手，我哋係好同事、好朋友。（近水流台？）最驚係後面嗰句，大人嚟㗎嘛，唔可以求求其其。」

拍拖睇緣份

問到定欣是否不是他杯茶？展鵬說：「每個人價值觀唔同。」由於定欣早前才與音樂人分手，記者笑指可以食住個勢追對方，展鵬即說：「人哋分手唔關我事，依家疊埋心水努力工作。（好Dry？）都係，呢啲講緣份，依家有工作機會，梗係要努力，如果配合到當然好，勉強就冇意思。」