【咁大膽】謝霆鋒嗌熄燈！孖蕭敬騰睇極光

《十二道鋒味3》謝霆鋒成日都會帶唔同嘅嘉賓周圍去，喺戶外煮吓嘢食傾吓計咁，感受一吓又wild又raw嘅煮食環境。今次謝霆鋒就帶住「雨神」蕭敬騰衝出亞洲，去到北極圈上嘅芬蘭拍攝外景！

芬蘭除咗有聖誕老人之外，北極光都係好多旅客慕名而嚟嘅原因之一，但係今次霆鋒同蕭敬騰嚟咗幾日都睇唔到極光喎，搞到霆鋒都講咗句：「有些事沒法勉強的，大自然說沒有就是沒有。」真係人算不如天算喎。

不過皇天不負有心人，去到拍攝最後一日，終於畀霆鋒同蕭敬騰捕獲到難得一見嘅北極光，而佢哋遇到嘅更加係普蘭地區近年嚟最大嘅六級極光添！為咗睇極光，佢哋兩個無懼攝氏零下十六度凍到震嘅天氣，霆鋒甚至要求劇組關燈十分鐘，一齊欣賞呢個自然奇觀！真係又幸福又難忘！