Disco荷東回歸　阿叻自爆瘋狂夜蒲史

80年代Disco荷東今年將重返香港，在十一月舉行演唱會，並邀得當年原唱的幾隊外國歌手演出。今日大會舉行記招，獲陳百祥（阿叻）、陳欣健、Joey Tang、向雪懷、演唱會搞手DJ楊振龍及酒莊老闆黃特平等人到場支持。而當年有不少中文歌都是改編這些外國舞曲，包括譚詠麟的《我愛雀斑》便是改編Gazebo的歌，故校長、阮兆祥、雷有輝等人都有拍片支持演唱會。

鄧麗君唔夜得

期間眾人輪流上台分享，阿叻笑言當年主要是陳欣健帶他去蒲。身為荷東股東之一的陳欣健，則大談當年去蒲趣事，踢爆當年鄧麗君、洪金寶、楊紫瓊、柯俊雄、成奎安等人都是座上客，又謂鄧麗君有年在該處開生日Party，期間感動到喊，但卻一定要凌晨12點前走，因為男友催她。另外，此演唱會由一個酒莊贊助，阿叻和陳欣健都各自跟酒莊合作推出靚酒。

爆成奎安成日畀人恰

事後阿叻與陳欣健受訪，阿叻話當年一收工就趕住去蒲，又謂自己飲醉酒只會睡覺，沒有機會惹事。他又踢爆成奎安、陳惠敏等惡人去蒲時反而畀人恰：「所以佢哋之後就拍喜劇，有不同一面，同埋嗰度會好易結緣開到戲，好多電影老闆成日去嗰度。」阿叻又笑言：「好彩當年冇醉駕，根本我哋晚晚都醉，試過調轉車頭行。」陳欣健就笑言：「瞓醒都唔知去咗邊。」

周星馳夜蒲齋聽歌？

楊振龍就踢爆當年最飲得和跳舞最勁是已故天后梅艷芳；講到溝女聖手，他大爆周星馳其實好靜，只會坐埋一邊聽歌。他又希望靠阿叻拉攏，到時可以叫譚詠麟跟原唱Gazebo jam歌。