藝員陳展鵬、姚子羚、陳山聰、鮑起靜等於將軍澳為劇集《同盟》拍攝外景，眾人以型格行政造型亮相。鮑起靜表示已為新劇開工兩星期，她說：「都習慣，感覺好親切，見到好多舊朋友，好多都識嘅，監製仲對我好好，知我唔係好慣演啲強勢角色，喺旁邊鞭策我，令我變咗另一個人。」鮑起靜透露在劇中與展鵬演飾母子，分飾的另一角色則扶養展鵬長大，與展鵬有雙倍戲份與母子情。

同場的展鵬亦表示與鮑起靜合作得很開心，他說：「好耐冇合作，好期待鮑姐個角色，對佢嚟講都好大挑戰，係大家都未見過嘅。」講到有指他以約換獎，展鵬笑說：「係就好呀，個投票好公開同公正，好似港姐港男咁，成日都有啲咁嘅聽聞，但從來冇發生過喺我身上，如果係公平公正吓拎到獎會好開心。（用約換獎你都制？）睇吓簽幾耐囉，都制㗎。（幾耐先肯？）最好簽到我退休，起碼十年以上。（簽賣身契？）OK㗎，但公司邊會理我吖。」鮑起靜表示有收看《城寨英雄》，對於劇組的表現感到興奮，更笑言撐展鵬拎視帝，她說：「展鵬嘅成績大家都睇到，個視帝大家都一早畀咗佢啦！」