【黃鶯四歲喇！】朱茵黃貫中罕晒全家福

近年又做真人騷又拍戲嘅女神朱茵，佢同Rock爆老公黃貫中（Paul）2012年生咗得意囡囡黃鶯（叉燒包），當時佢兩個一人一日一幅相晒愛女，萌到一班網友大呼羨慕！

唔經唔覺黃鶯已經四歲喇！朱茵同Paul就帶咗壽星女去主題公園玩，齊齊合照大晒家庭樂。佢哋除咗企定定合照，朱茵同黃鶯仲去咗玩旋轉木馬，而依家齊蔭嘅黃鶯已經高咗好多，有媽咪朱茵條腰咁高，仲遺傳埋媽咪個靚樣，眼大大嘴仔紅卜卜皮膚白滑，唔怪得之朱茵同Paul錫到佢燶喇！

而朱茵就上載咗佢哋一家人去玩嘅相去微博，相中黃鶯舉V切蛋糕，朱茵就寫道：「小鶯，生日快樂！」網友就話囡囡愈大愈靚，咁朱茵兩公婆真係記得要睇緊啲女女，因為佢大個咗實有好多狂蜂浪蝶追佢呀～～