藝人廖碧兒（Bernice）近年積極向外闖，對出演內地真人騷亦表示有興趣，說：「我覺得幾好玩，可以多啲人認識，同埋即時睇到真實反應，我以前喺TVB拍《舞動全城》其實都算真人騷啦！接唔接其實主要都係睇時間。」

Bernice指早年曾於內地工作三年，說：「喺橫店啲生活好簡單，而我本身長大嘅地方又係好簡單，唔係好似香港咁大城市，係喺阿拉斯加附近。反而咁樣可以專心拍戲，真係去研究。同埋我對內地地方同人嘅認識好少，所以嗰時我仲喺橫店影城度參觀，因為本身睇得少，大開眼界！」

除了演藝事業，Bernice亦擁有自家品牌葡萄酒，說：「品酒唔可以停，一定要Keep住個味覺，不停咁學同埋上堂。其實紅酒已經學了一段時間，只係依家先睇到收成，啲酒都釀咗7年8年。（有冇因品酒而飲醉？）少少啦，但唔係成日。因為有時要評百幾樽酒嘅時候，當然唔多唔少都會有少少。」最後Bernice又透露最近開始收藏畫作，說：「因為接觸中國文化多咗，依家收咗幾幅油畫，特別鍾意聽當中嘅故事。」