軒仔「失戀」拒受訪？王菀之：關我咩事

歌手王菀之（Ivana）與張敬軒為慈善節目《星光熠熠耀保良》獻聲。未知軒仔是否受與關智斌「分手」傳聞纏繞，罕有地拒絕接受訪問，僅剩下拍檔Ivana應對傳媒，直言很關心軒仔的她，對於對方失戀傳聞，Ivana謂：「佢近排都好開心喎，不過佢唔關心我，我唔會理會佢。（佢失戀呀？）係咩？關我咩事，我唔係第三者，本身都嫁咗人，今日睇佢演出都心情大靚。（佢唔做訪問喎！）佢未唱完啫，都未走得。」

談到二人於明年舉行的演唱會，Ivana表示已開始減肥計劃，問到是否節食？她謂：「做gym同跳舞，會跟葛民輝個餐單，就係跟住太陽時間食嘢，晚上6點後唔食，等個腸胃可以休息，仲叫埋我阿哥跟埋添，希望練到6嚿腹肌，又驚軒仔練唔切，依家觀眾入場係要有啲身形睇吓，咁呢樣我負責先，唔得我就套一個假嘅上去，不過仲有四個月，等我努力啲做gym先。」更自嘲與軒仔體質均很差，說笑指有意預留頭一行位置給二人幫襯開的醫生，以防屆時暈低，方便醫生秒速上台整醒他們。