同男友分手　趙碩之嬲爆：好惡咁踢佢走

藝人趙碩之（Wylie）以露背短裙打扮出席「衍生集團20週年晚宴」，她更自爆與拍拖兩年多的足球員男友林家亮（Landon）分手，她透露對方已返回加拿大溫哥華做生意，Wylie說：「已經冇咗男朋友，佢幾個月前已經返咗加拿大溫哥華做生意。」並表示分手前兩人生活細節已出問題，Wylie說：「當時我讀戲劇課程，負能量同情緒波動得好緊要，佢就掛住生意嘅嘢，我好惡咁踢佢走。」

Wylie表示現時兩人仍有聯絡，早前對方經香港轉機亦有找她，問到現時兩人的關係？Wylie說：「好混亂，唔知點。（你依家單身？）中文嚟講係單身，因為佢聽唔明，都係時候認識新朋友，感情狀況已經變為Open。（有人追會發展？）可以嘗試。（如果同Landon收復失地，會唔會搬去加拿大？）都係佢返嚟啦，佢都返咗香港六、七年。」