范范一家四口探班　小S趕孖仔離場

台灣女星小S（徐熙娣）依家專注大陸市場做節目主持，平時有時間佢都淨係upload同囡囡s嘅無厘頭合照或者拍吓片咁，似乎同以前一齊玩開嘅好姊妹少咗見面，不過朋友呢家嘢，就算唔使日日meet都可以keep到個友誼。

就好似姊妹淘當中嘅范瑋琪（范范），佢同陳建州（黑人）生咗一對孖仔之後，大部分時間都去咗湊仔，不過佢同黑人都好有心，佢哋帶埋一對囝囝去班探小S不特止，仲帶成40盒pizza到場，搞到小S都嗌威風！

But，范范落足心思嚟探班，小S居然趕孖仔離場？原來係佢哋喊聲太大，影響咗現場拍攝：「感謝昨天我的好姐妹（包括黑人）攜帶雙胞胎來探班，還帶了40盒pizza！非常威風～看到他們心都開了，有朋友真好！可惜雙胞胎哭聲太大，只好請他們先離場！」見一對孖仔影合照時都喊晒口，唔知佢哋為咩而喊呢？