三代悟空相遇 星爺林更新黃渤Like邊個?

20161018
東網電視
更多新聞短片
星爺(左起)、黃渤、林更新及徐克咁難得聚首,當然要影合照啦。
由周星馳執導,舒淇、文章同黃渤主演嘅電影《西遊.降魔篇》喺2013年上映嘅時候大收旺場,內地票房達人民幣12.48億(約港幣15.82億),第二集《西遊.降魔篇2》改由吳亦凡、姚晨、林更新等主演,近日亦進入最後配音階段。
喺新一集飾演孫悟空嘅林更新今日就喺微博上載咗張同周星馳、黃渤同徐克導演嘅合照,咁啱周星馳、黃渤同林更新都先後飾演過孫悟空一角,所以林更新都留言話:「西游(遊)配音第一天,悟空都是不期而遇。」三代悟空相遇,唔知你又最鍾意邊一代悟空呢?
今年星爺執導嘅電影《美人魚》票房有成34億元人民幣(約39億港元),星爺號召力果然唔講得笑,林更新一PO合照,網民都超級興奮,仲話好期待星爺嘅出品呀!