東網電視
更多新聞短片

講真小編見到王浩信呢個狀態,有啲驚驚。
1/10
藝人王浩信、蔡思貝、李佳芯及陳庭欣等於電視城,為無綫新劇《踩過界》試造型。當中扮演盲人律師的王浩信戴「白眼Con」及手持盲公竹示人,於劇中艷福不淺的他,在大合照時被蔡思貝、李佳芯及張振朗貼身夾擊。當中張振朗除了與浩信扮錫錫之外,更從後攬實對方及揸其胸部,令浩信大叫:「你唔好再亂郁!我老婆都未試過咁!」相當爆笑!
浩信受訪時笑言今次與多位女神如蔡思貝、李佳芯及朱千雪合作,但太太陳自瑤卻毫不擔心:「佢知我角色係盲嘅,所以唔擔心!(有親熱戲?)冇,反而李佳芯就有,佢角色外表斯文,內裏open!」
一CON兩用
浩信又指為角色特別訂製了「白眼Con」,但都擔心長期戴住特製隱形眼鏡會傷及眼睛,他說:「呢種con係韓片《屍殺列車》都用嘅!(擔心拍太長時間會傷眼?)我都擔心,拍親監製林志華都有驚險,但值得。我會保持對眼濕潤,在劇中有時會戴黑超,到時畀隻眼抖抖。遲啲萬聖節可以戴嚟嚇一嚇囡囡,但陪佢時間唔多,再嚇驚嚇走佢。」

張振朗玩到咁呀!揸晒胸㗎!

呢個「喪屍列車」Con,真係好得人驚呀!

李佳芯(左)代陳自瑤扭王浩信耳仔?

王浩信表面喝止張振朗。

但其他演員好似好欣賞王浩信呢個造型。

小編分唔到王浩信係盲人定喪屍呀!

但實際係咪有啲Enjoy㗎?

係咁搞佢。

真係唔好畀囡囡睇到呢個樣,嚇死都似!