心儀高以翔　AGA李幸倪愛上同一類男人

歌手AGA及李幸倪（Gin Lee）到電台宣傳新歌《獨一無二》，AGA表示一直都想跟Gin Lee合作寫歌：「完騷後聽番啲demo，發現呢首歌未完成，所以就好冒昧咁send咗個demo畀Gin叫佢一齊寫。」Gin Lee說：「我聽完之後好有feel，但隔空創作好難，我唔想破壞咗首歌本身嘅結構，所以聽足一星期，之後先搵到方法，依家合唱我就加咗啲交流、激情、起伏位。」AGA謂：「一聽就ok，唔需要改，跟住就畀咗林若寧填詞，呢首歌係《一加一》嘅延伸。」Gin Lee謂：「上次係講我哋尋找一個對象，今次係講我哋搵到啦，但點知係同一個男仔，係講三角關係，兩個女仔嘅矛盾同無奈嘅心聲。」

好想見高以翔

問到她們平時可會傾男仔？她們笑言：「傾得最多係MV搵邊個男主角，講到一個人嘅時候係大家都覺得ok，但太難搵，搵唔到，得番張櫈。」問到該人選是誰？兩人即怕醜大笑，Gin Lee笑言：「我哋一直唔想講，就驚第時見到會尷尬。」追問下，兩人笑言：「佢係台灣人，演員，好高嘅，都係姓高，唔講啦，大家想像吓。」記者表示疑似是高以翔。問到她們可想跟對方見面？Gin Lee即謂：「好想呀！」記者打趣她們MV反應好的話，叫公司為她們找對方來拍特別版MV，兩人笑言：「真係好想！所以大家多啲支持，諗吓都開心。（你哋都算係鍾意同一類男仔？）係咁啱講到呢個係咁。」

份詞好surprise

講到上次《一加一》反應好，問到對此曲可有壓力？AGA表示：「其實本身首歌唔想有《一加一》嘅影子，所以今次份詞係surprise，但難得可以填得咁好，所有嘢好夾。」而Gin Lee則希望大家唱K可以挑戰此曲：「平時唱K好多人爭唱同一樣首歌，但呢首歌合唱，大家可以唱番自己個part，而且首歌真係難唱，大家可以挑戰吓。」