為老公博盡！46歲鍾麗緹甘做高齡產婦

46歲「性感女神」鍾麗緹與比自己年輕12歲的內地藝人張倫碩下月8日於北京舉行婚宴，婚禮籌備事宜已進入尾聲，一對新人亦心情緊張。已育有三女的鍾麗緹，雖已是高齡產婦，但亦願為身為家中獨子的老公博一鋪，事前更遵照傳統，在新床上鋪椰子、紅棗、蓮子等，望早生貴子。

曾經歷兩段婚姻的鍾麗緹（Christy），下月第三度出嫁，最近不停忙着採購婚慶物品及做裙褂，更買了紅被、蓮子、椰子、紅棗等新婚當日放於新床上的物品。她說：「我知道是早生貴子嘅意思，但變得好有壓力，而朋友亦會送金豬，都係寓意早生貴子，咁我就睇吓鋪蓮子、椰子喺床度係咪真係可以成事。」愈近婚禮，鍾麗緹坦言心情愈緊張，她說：「我好希望婚宴個個親朋好友都可以嚟，大家都可以開心見証我哋嘅愛，我覺得人生好美滿，開心every day。」

張倫碩心情亦同樣緊張，作為家中獨子的他，被問到父母有否要求他傳宗接代，張倫碩明顯護妻謂：「我都考慮到佢嘅年紀，而且我哋兩個工作都好忙，有冇小朋友好難預，如果上天畀，當然係開心事，如果冇，亦聽天由命，順其自然。我父母接受咗我哋婚姻，同樣呢方面亦都接受。」

至於一直備受關注的「姊弟戀」、「女尊男卑」等負面新聞，張倫碩明顯不介意，並豁達謂：「我覺得每日起身，開唔開心最重要，唔好在意別人評論，我亦唔需要別人想要嘅樣子，最重要兩人點樣開心生活。年紀唔係問題，最重要心態，講唔定我以後會比依家賺多好多呢？我依家要努力賺錢養家，我願意承擔，願意照顧佢哋，我會好努力賺錢，最近工作都排到密麻麻。之前剛拍完電影，依家又同細女（嚴稚棱）拍緊《爸爸去那兒4》，檔期已很滿。」

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon