【試到煒哥的味道？】陳自瑤新劇激咀陳煒

唔經唔覺就嚟踏入十一月，又到無綫台慶倒數嘅月份！為咗隆重其事，無綫今年推出幾套台慶劇益一眾劇迷，好似有陳豪、田蕊妮、胡定欣孭飛嘅《來自喵喵星的妳》響頭炮，嚟緊仲會有由黃宗澤（Bosco）、蕭正楠、黃翠如、龔嘉欣、張繼聰、劉佩玥等主演嘅《幕後玩家》，緊接即將播畢嘅《巨輪II》播出。雖然套劇仲未出街，但日前無綫官方網已經率先公開咗預告片！

其中一段預告片入面，飾演公司客戶總監嘅張繼聰一嚟就已經好激，攬住個索女喺架Lift入面喪攬喪咀，睇到人熱血沸騰。另外，睇番啲劇照，發現入面都有唔少咀戲，例如有黃宗澤（Bosco）咀翠如、翠如咀蕭正楠等等，其實拍劇嚟講呢啲咀戲都算好小兒科，不過最估唔到嘅係，仲有陳煒（煒哥）咀索爆人妻陳自瑤（YoYo）！只見陳自瑤一面冧爆咁挨喺煒哥嘅膊頭上，似乎喺劇中同煒哥有段耐人尋味嘅關係。話時話，今次陳自瑤突破性地喺螢幕上公然咀煒哥，唔知有冇試真啲「煒哥的味道」呢？

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon