罔顧薛凱琪眼炎一年？麥浚龍狂淋沙同油

歌手麥浚龍（Juno）及薛凱琪（Fiona）到戲院出席新歌《結》MV首播會，吸引不少歌迷支持。齊齊睇完MV後，兩人大談拍攝感受，Fiona透露該個MV拍得很痛，因為被沙及油淋到臉及眼，她又表示本身眼睛已發炎一年，但拍MV時還要被淋沙入眼，對此Juno謂：「拍完之後我好緊張，問佢對眼點，我就同佢講反正我都有近視，可以一齊去做矯視，點知佢就話『一齊去做？你估唱K咩？』」Fiona聞言則笑言已忘記此事：「乜原來我講嘢咁搞笑？」主持問Fiona可會因此claim工傷？Fiona即向Juno笑言：「聽講矯視都唔平，呢個可能係你最貴嘅MV。」

事後兩人受訪，講到Fiona眼睛發炎，但仍要被淋沙及油，她解釋Juno其實很好：「佢已經將啲麻煩減到最少。其實所有嘢都係睇值唔值得，依家拍出嚟好靚，所以惟有睇多幾次醫生。」Juno則表示：「我拍咗淋沙先，但其實最恐怖係淋完沙唔可以捽眼，好似砂紙嘅原理咁，所以係要用眉鉗鉗出嚟，同埋Fiona啲沙係紅色都好啲，係睇到嘅，但我嗰啲係白色睇唔到。同埋我耳鼻喉係通晒沙，口水都係沙，喺鼻度流番出嚟。」

MV要經電檢處

Juno又表示該MV要經過電檢處審批才能在戲院播放：「因為佢哋以為啲紅色液體係血，但其實嗰啲係士多啤梨雪糕，仲幾好味，咁經過審批之後，慶幸可以full version播到。」

在旁工作人員透露該MV如果要在商場播放，則要再申請。問到會否在電視上播放？工作人員謂要交由電視台判斷，問Juno如果在電視上播放要刪剪某些部分的話，他寧願刪剪還是寧願不播？他坦言：「寧願選擇唔播，因為其實都拍得幾精準，冇多餘嘅footage，冇尺度問題點解要刪減？所以唔會刪剪或修改。」

讚Juno值得尊重

問Fiona下次可敢再跟Juno拍MV？她謂不怕，又謂反而最怕人不專心做事，剛好Juno做事十分專心認真，故特別欣賞對方，Fiona謂：「之前我哋為首歌拍宣傳照，當中我哋要拖手，但畀啲藤圍住，佢為咗試啲藤嘅位，試咗個半鐘。所以佢以身作則，令全部人都尊重佢，如果我第時有歌搵唔到人拍，佢就欠我一個人情。」

Juno：我有選擇困難症

另談到有指Juno收謝安琪（Kay）女兒為契女，更贈契女30萬上契利是，他講笑指應該是向Kay收回利是，並澄清謂：「上契同金錢唔應該掛勾，呢件事唔係真，亦唔合理，唔使多講，嗰日我係探吓佢。（但會唔會送禮物畀契女？）我未做過契爺，又少接觸小朋友，我會去了解吓先。連小朋友體積、幾個月大我都唔係太熟，我係有選擇困難症。」

＿＿＿＿＿＿＿＿＿＿＿＿

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon