張秀文Deep V晒半球　吳業坤尷尬唔敢望

歌手吳業坤、張秀文、梁嘉琪等出席「世界雞蛋日繽紛嘉年華2016」活動，張秀文穿上深紫色Deep V貼身裙谷胸上陣，期間與吳業坤玩拋波遊戲時「Big」波蕩漾超搶Fo，卻令吳業坤不敢正視，唐詩詠及嘉琪見狀即取笑謂：「視線望高啲，好耐冇見你咁笑過，個笑容好春天呀！」場面惹笑。

事後吳業坤與秀文齊齊接受訪問，對於全程表現尷尬，吳業坤謂：「係呀，因為太多訊息入腦，都知道今日視線要小心。（咁你望邊度？）煎Pan囉！你唔係煎Pan，係平底鑊。」秀文即為他打圓場謂：「咁圓底鑊啦！頭先見你畀詩詠同嘉琪搞到亂晒。」坤坤也認同謂：「我思想受影響，行為都亂晒，亂掟蛋，依家就係咁抹汗。（頭先詩詠寸你喎！）佢提醒我要望觀眾，唔好有不必要誤會出現。」談到日前於三號風球下到網吧打機幾粒鐘，吳業坤自言玩得忘形，也不知被攝入鏡頭，更指大家也投入打機，故沒有被認出要求合照。

而秀文對於是日性感打扮則謂：「我以為大家習以為常，其實係個客有少少要求。（有上幾層市民高抄拍攝，擔唔擔心畀人影到走光？）咁識搵位？我條裙好fit同緊，所以唔會影到走光相嘅！」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon