阿女跪地幫張晉敷腳傷　蔡少芬勁呷醋！

為人父母，唔祈求子女有啲咩回報，但係只要佢哋做咗少少嘢，已經可以令爸爸媽媽窩心一日，倍感安慰！今日蔡少芬就喺微博上載咗三張相，就係阿女跪咗喺爸爸張晉腳邊，非常細心咁用冰敷住張晉個膝蓋，而張晉就勁悠閒玩電話，不過一秒鐘就面露痛楚，但有阿女錫住，咩痛都冇晒啦！

蔡少芬仲酸爆咁話：「張晉你受傷了，但有小小情人為你敷冰塊。。你透心涼吧！」呢幾張溫情洋溢嘅父女照，引起唔少網民都大話張晉女兒好貼心，又讚蔡少芬兩公婆管教有方外，仲笑言叫蔡少芬唔好呷醋，因為女兒向來都係爸爸嘅上世情人嘛！