軒仔王菀之搞網上節目：收視好開成人台

歌手張敬軒（軒仔）與好友王菀之（Ivana）將於明年2月16至19日舉行四場紅館演唱會，兩日出席新歌《友誼的小船》MV首播會，席上兩人被考默契，分別在畫簿上寫上答案，Ivana踢爆最嬲軒仔用紅酒送藥，軒仔亦自爆曾將自己臭襪塞入對方口，Ivana即說：「我心地幾好，好快就原諒佢。」兩人與歌迷齊設計皇冠送給對方，由於Ivana出名為食，軒仔在皇冠上擺上新鮮菠蘿包，搞到Ivana流晒口水，而Ivana則將皇冠設計成唐三藏帽，並命名為唐三藏之修理。

兩人齊齊接受訪問，軒仔透露演唱會門票銷情理想，他說：「已經加過一場，希望可以再加，仲有加場空間。（好想再加？）係㗎。」隨即表示他們將為網絡平台開設「肥脆台」節目，當中有報天氣、婦女資訊，軒仔說：「係搞笑嘅，仲有風月版。（風月版講乜？）講8月15日點賞月，唔係鹹嘢，如果收視好可以開成人台。」當問到他是否很有性經驗？軒仔啞口無言兼拉Ivana老公Eric So落水：「問Eric So點整人仔，係人形公仔。」

由於Eric So為兩人的個唱設計產品，問到是否不收酬勞？Ivana搶答：「收，一定要收，我靠佢開飯，呢個時候企喺佢嗰邊。」對於容祖兒日前與古天樂慶祝生日時玩Facebook Live，古天樂不慎開名話電視台，問到日後玩直播時會小心點？軒仔說：「我就要慎言，直播好易瀨嘢，日前先瀨完嘢。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon