生日激罕低胸晒線 黃翠如揚言台慶封胸
藝人黃翠如今日現身沙田馬場,擔任東方表行55周年沙田錦標「時尚煲呔賽馬日」的主禮嘉賓,適逢今日是她35歲生日,穿上一襲粉紅色低胸連身裙的她,激罕晒事業線,配戴價值179萬港元伯爵腕錶,貴氣逼人。被現場笑指她生日賣「壽包」?她笑說:「好感激品牌好多月前已經同我講話生日時會搵我做event,今日落機冇耐,有個設計師朋友話會送份禮物畀我,嗰個朋友由細識到大,無講送啲乜,嚟到現場10分鐘就見到呢條裙,之前冇試過,設計師同我講話,係兄弟就着咗佢,其實個設計師之前台慶都幫我做過衫,所以都好放心,但係設計師都知我不嬲唔係行性感路線,估唔到生日搞啲咁嘅嘢,生日就着一次,之後冇喇!」
唔願性感會男友
翠如說並沒有影這條裙給男友蕭正楠過目,她說今晚會跟家人和男友食飯,可以見下「大佬」(即男友),她又表示對好友曹永廉奪得「星和無綫電視大獎2016」的「我最愛TVB男配角獎」,戥對方開心,她說:「我同男友都覺得要畀啲幸運佢,23年喇,佢好努力,平時好靜,默默耕耘,希望佢keep住有獎拎。生日願望就係希望曹永廉再拎獎。」翠如又笑指男友昨晚應該有醉意,不明對方在社交網上寫甚麼,她說:「grammar錯晒!」問到若男友醉住求婚?她笑言:「我鍾意清醒多啲。」不過對於男友在台上公開向她講生日快樂,她仍然表現開心,希望今日再聽男友講多次。翠如又以感冒為由,拒絕以這身性感打扮會男友,她指裙身有做齊打底,故任何穿着也會有此效,不肯回應上圍升cup問題,還揚言台慶將會封胸,以圓領長袖衫示人。
送名錶畀自己做生日禮物
提到生日禮物,翠如表示希望送自己一枚名錶,並謂已向品牌取得折扣,但不會給男友送錶,問會否叫男友送手錶做生日禮物?她說:「女仔可以送生日禮物畀自己其實係好浪漫嘅,我講咗要錶,生日想要驚喜,講咗出嚟就唔驚喜喇!」蕭正楠識做啦!
__________________________
想聽歌?想睇MTV?想了解本地Indie Band資訊
快啲click入「聲大夾樂」專頁: http://on.cc/musicon