【恨嫁恨出面】高海寧索吻：給我親一下

「咪神」高海寧（高Ling）之前參加完好姊妹宋熙年婚禮後，返到嚟就話自己有結婚衝動，希望可以喺3年內完成，因為都想生BB！自稱單身嘅佢咁想嫁，當然要主動出擊求愛啦，佢仲大膽到嘟嘴索吻！女神冇喇冇喇！

佢留言話：「她說：「看著（着）我？幹嘛老看著（着）我？給我親一下好不好？」 相中嘅佢，仲用隻手托住人哋個腮，搞到人哋鬼咁怕醜，講咗咁耐…其實對方係…一隻狗啫！成個畫面都好有愛，不過原來隻狗唔係佢嘅，佢Tag住「老笠人地（哋）隻狗」，咁…下次可唔可以老笠我……哋隻狗呀？