《巨輪II》收視報捷　蕭正楠唔敢諗攞獎

無綫劇集《巨輪II》上周五大結局，收視報捷，平均達33.3點，最高收視有35.2點，約228萬多觀眾人次收看，成績相當好，亦是自2014年以來最高收視的大結局，更力壓剛於星和電視頒獎禮奪得「最佳劇集」的《城寨英雄》！

劇中男主角蕭正楠接受《東網》訪問時坦言非常開心，他謂：「其實一直以嚟都唔敢同人講，孭一部39集嘅電視劇真係好大壓力，而《幕後玩家》今晚首播，大家又會見到我，不過套劇前段較輕鬆，同《巨輪II》有啲唔同，希望大家鍾意同捧場。」問到會否向着「男主角」獎項衝刺？他坦言：「獎不嬲唔係點諗，仲係學習當中，但對《巨輪》係好有感情，兩輯有七十幾集，當然想好頭好尾，有個靚嘅結局自己已經好滿意。」

《巨》監製王心慰接受訪問時坦言：「好開心，因為好多人都鍾意個結局，因為一眾演員都做得好好，好感人。」至於劇中演奸角相當出色的吳岱融亦表示：「當然非常開心！（會否繼續向奸角進發？）角色呢啲嘢隨緣啦！」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon