陳凱琳撐鄭嘉穎冇鬧導演：報道誇大咗

藝員陳凱琳晚上在將軍澳電視城為無綫遊戲節目《我愛香港》擔任錄影嘉賓。陳凱琳主演的劇集《巨輪II》的大結局暫成為本年度收視之冠，她說：「好開心，冇預計咁高，戥監製成組人開心，頭先喺化妝間見到阮兆祥，大家都好興奮話要約食飯慶祝。（大結局收視高過《城寨英雄》、《一屋老友記》！）冇去比較，套劇每個演員都付出好多，收視好係額外奬賞。（強姦戲吸引觀眾？）呢啲戲係會令觀眾留意多啲，但係整體每條線都好睇，最後亦有個完美大結局。」

講到有指陳凱琳事前瞞着男友鄭嘉穎要拍被姦戲？陳凱琳說：「冇，攞咗劇本已經同佢講會有好多挑戰，有問佢意見，佢叫我投入角色，有乜唔明就問對手，佢都好鼓勵支持我。（報道話嘉穎不滿有咁多強姦戲鬧導演？）唔係，誇大咗。佢冇唔開心，睇到報道得啖笑。」陳凱琳原來入行後未有機會上遊戲節目故十分期待。